〈雨夜花〉
2024年5月29日 星期三
2024年3月2日 星期六
無眠 蘇打綠〈無眠〉，吳青峰、林暐哲作詞，2009年。
今仔日月娘哪遐爾光
kin-á-ji̍t gue̍h-niû ná hiah-nī kng
照著阮規暝攏袂當睏
tsiò-tio̍h gún kui-mî lóng buē-tàng khùn
連頭毛攏無歇睏
liân thâu-mn̂g lóng bô hioh-khùn
（親像魚死佇花園）
tshin-tshiūnn hî sí tī hue-hn̂g
你敢知阮對你的思念
lí kám-tsai gún tuì lí ê su-liām
希望你有仝款的夢
hi-bāng lí ū kāng-khuán ê bāng
咱兩人做陣轉來彼一工
lán nn̄g-lâng tsuè-tīn tńg-lâi hit tsi̍t kang
互相依倚的情愛
hōo-siong i-uá ê tsîng-ài
佇你的心肝內
tī lí ê sim-kuann-lāi
是毋是閣有我的存在
sī-m̄-sī koh ū guá ê tshûn-tsāi
永遠攏咧等
íng-uán lóng leh tán
有時陣嘛會毋甘願
ū-sî-tsūn mā ē m̄-kam-guān
想講欲做伙飛
siūnn-kóng beh tsò-hué pue
去一个心中美麗的所在
khì tsi̍t ê sim-tiong bí-lē ê sóo-tsāi
所有的一切
sóo-ū ê it-tshè
攏總共你囥做伙
lóng-tsóng kā lí khǹg tsò-hué
希望你 會當了解
hi-bāng lí ē-tàng liáu-kái
（為著你 我一定等）
uī-tio̍h lí guá it-tīng tán
我毋管偌濟時間偌濟目屎偌濟失望來忍耐
guá m̄-kuán guā-tsuē sî-kan guā-tsuē ba̍k-sái guā-tsuē sit-bōng lâi jím-nāi
我毋管你當時會轉來
guá m̄-kuán lí tang-sî ē tńg-lâi
其實我嘛毋知影為怎樣為怎樣憨憨等待
kî-si̍t guá mā m̄-tsai-iánn uī-tsuánn-iūnn uī-tsuánn-iūnn gōng-gōng tán-thāi
你 是我唯一的愛
lí sī guá uî-it ê ài
造飛機
謝金燕〈造飛機〉，作詞：球球、謝金燕，2012年。
雲變雨水 鳥往南飛 烏白的相片
hûn piàn hōo-tsuí tsiáu óng lâm hui oo-pe̍h ê siòng-phìnn
草溪玫瑰 千年相思 五彩的花蕊
tsháu khe muî-kuì tshian-nî siunn-si ngóo-tshái ê hue-luí
愛的青春 留著芳味 倚踮你身邊
ài ê tshing-tshun lâu-tio̍h phang-bī uá-tiàm lí sin-pinn
愛的畫面 望著天星 你𤆬阮做陣去看見
ài ê uē-bīn bāng-tio̍h thinn-tshinn lí tshuā gún tsuè-tīn khì khuànn-kìnn
有偌濟年 你無佇阮身邊
ū guā-tsuē nî lí bô tī gún sin-pinn
阮想欲拍開 烏烏這片天
gún siūnn beh phah-khui oo-oo tsit phìnn thinn
快樂傷悲 欲佮你鬥陣追
khuài-lo̍k siong-pi beh kah lí tàu-tīn tui
攬著你 毋願予你離開
lám-tio̍h lí m̄-guān hōo lí lī-khui
細漢時你我的夢『造飛機』
sè-hàn sî lí guá ê bāng tsàu fé-tsi
手牽手做陣飛
tshiú-khan-tshiú tsuè-tīn pue
去揣溫暖的太陽
khì tshuē un-luán ê thài-iông
花花的世界 希望戇戇咧飛
hua-hua ê sè-kài hi-bāng gōng-gōng teh pue
我愛你七千八百年
guá ài lí tshit-tshing peh-pah nî
愛情限時批
伍佰〈愛情限時批〉，作詞：伍佰，1995年。
欲按怎對你講出心內話
beh án-tsuánn tuì lí kóng-tshut sim-lāi-uē
想了規暝 較想嘛歹勢
siūnn-liáu kui-mî khah siūnn mā pháinn-sè
看著你我就完全袂講話
khuànn-tio̍h lí guá tiō uân-tsuân buē kóng-uē
只好頭犁犁
tsí-hó thâu lê-lê
欲按怎對你講出心內話
beh án-tsuánn tuì lí kóng-tshut sim-lāi-uē
講我每日較想嘛你一个
kóng guá muí-ji̍t khah siūnn mā lí tsi̍t ê
心情親像春天的風咧吹
sim-tsîng tshin-tshiūnn tshun-thinn ê hong leh tshue
只好寫著一張愛情的限時批
tsí-hó siá-tio̍h tsi̍t tiunn ài-tsîng ê hān-sî-phue
批紙才會完全來表達我的意愛
phue-tsuá tsiah ē uân-tsuân lâi piáu-ta̍t guá ê ì-ài
你的溫柔 你的可愛 你的美麗 你的風采
lí ê un-jiû lí ê khó-ài lí ê bí-lē lí ê hong-tshái
予我墜落你無邊的情海
hōo guá tuī-lo̍h lí bô-pinn ê tsîng-hái
追追追
黃妃〈追追追〉，作詞：陳明章，2000年。
千江水 千江月 千里帆
tshian-kang-suí tshian-kang-gue̍h tshian-lí-phâng
千重山 千里江山 我上媠
tshian-tiông-san tshian-lí kang-san guá siōng-suí
萬里月 萬里城 萬里愁
bān-lí-gue̍h bān-lí-siânn bān-lí-tshiû
萬里煙 萬里風霜 我上妖嬌
bān-lí-ian bān-lí hong-song guá siōng iau-kiau
啥物款的殺氣 啥物款的角色
siánn-meh khuán ê sat-khì siánn-meh khuán ê kak-sik
啥物款的梟雄 迫阮策馬墜風塵
siánn-meh khuán ê hiau-hiông pik gún tshik-má tuī hong-tîn
啥物款的愛情 啥物款的墜落
siánn-meh khuán ê ài-tsîng siánn-meh khuán ê tuī-lo̍h
啥物款的溫柔 予阮日夜攏想你
siánn-meh khuán ê un-jiû hōo gún ji̍t-iā lóng siūnn lí
真久以前 狼主的傳說 如今狼煙再起
tsin kú í-tsîng lông-tsú ê thuân-suat jû-kim lông-ian tsài-khí
啊追追追 追著你的心 追著你的人
ah tui tui tui tui-tio̍h lí ê sim tui-tio̍h lí ê lâng
追著你的情 追著你的無講理
tui-tio̍h lí ê tsîng tui-tio̍h lí ê bô-kóng-lí
啊煩煩煩 煩過這世人
ah huân huân huân huân-kuè tsit-sì-lâng
心肝挐氅氅 揣無酒來沃
sim-kuann jû-tsháng-tsháng tshuē-bô tsiú lâi ak
厭氣啦 莫閣遐爾大聲對我講話
iàn-khì--lah mài koh hiah-nī tuā-siann tuì guá kóng-uē
啊亂亂亂 女人的心 豆腐做的
ah luān luān luān lú-jîn ê sim tāu-hū tsuè--ê
為你破碎 任由針咧揻
uī lí phò-tshuì jīm-iû tsiam leh ui
好膽你就來
張惠妹〈好膽你就來〉，作詞：阿弟仔，2009年。
攏是你啦 攏是你啦 攏是你害我的面來紅紅
lóng sī lí--lah lóng sī lí--lah lóng sī lí hāi-guá ê bīn lâi âng-âng
你的心我的心結結做一伙 是欲拍算按怎
lí ê sim guá ê sim kiat-kiat tsuè tsi̍t-hué sī beh phah-sǹg án-tsuánn
攏是你啦 攏是你啦 攏是你害我規工咧茫茫
lóng sī lí--lah lóng sī lí--lah lóng sī lí hāi guá kui-kang leh bâng-bâng
你的心我的心這馬莫閣假
lí ê sim guá ê sim tsit-má mài koh ké
欲討我的愛 好膽你就來 莫囥咧心內 怨嘆無人知
beh thó guá ê ài hó-tánn lí tiō lâi mài khǹg leh sim-lāi uàn-thàn bô-lâng tsai
思念做風颱 心情三溫暖 其實我攏知 好膽你就來
su-liām tsuè hong-thai sim-tsîng sam-un-luán kî-si̍t guá lóng tsai hó-tánn lí tiō lâi
攏是你啦 攏是你啦 攏是你害我來氣身惱命
lóng sī lí--lah lóng sī lí--lah lóng sī lí hāi guá lâi khì-sin-lóo-miā
你的心我的心結結做一伙 是欲拍算按怎
lí ê sim guá ê sim kiat-kiat tsuè tsi̍t-hué sī beh phah-sǹg án-tsuánn
攏是你啦 攏是你啦 攏是你害我規工咧火大
lóng sī lí--lah lóng sī lí--lah lóng sī lí hāi guá kui-kang leh hué-tuā
你的心我的心這馬莫閣假
lí ê sim guá ê sim tsit-má mài koh ké
戇人
五月天〈戇人〉，作詞：阿信，2000年。
我的心內感覺 人生的沈重 毋敢來振動
guá ê sim-lāi kám-kak jîn-sing ê tîm-tāng m̄-kánn lâi tín-tāng
我毋是好囝 嘛毋是歹人 我只是愛眠夢
guá m̄-sī hó-kiánn mā m̄-sī pháinn-lâng guá tsí-sī ài bîn-bāng
我毋願隨湧隨風 飄浪西東 親像船無港
guá m̄-guān suî íng suî hong phiau-lōng se-tang tshin-tshiūnn tsûn bô-káng
我毋願做人 奸巧軁縫 甘願來做憨人
guá m̄-guān tsuè-lâng kan-khiáu nǹg-phāng kam-guān lâi tsuè gōng-lâng
我毋是頭腦空空 我毋是一隻米蟲
guá m̄-sī thâu-náu khang-khang guá m̄-sī tsi̍t tsiah bí-thâng
人啊人 一世人 欲按怎歡喜 過春夏秋冬
lâng ah lâng tsi̍t-sì-lâng beh án-tsuánn huann-hí kuè tshun-hā-tshiu-tang
我有我的路 有我的夢 夢中的彼个世界 敢講伊是一場空
guá ū guá ê lōo ū guá ê bāng bāng-tiong ê hit ê sè-kài kám-kóng i sī tsi̍t tiûnn khang
我行過的路 只有希望 希望你我講過的話 放在心肝內 總有一工
guá kiânn-kuè ê lōo tsí-ū hi-bāng hi-bāng lí guá kóng-kè ê uē pàng-tsāi sim-kuann-lāi tsóng-ū tsi̍t-kang
看著滿天全金條 欲捎無半項 環境來戲弄
khuànn-tio̍h muá-thinn tsuân kim-tiâu beh sa bô-puànn-hāng huân-kíng lâi hì-lāng
背景無夠強 天才無夠弄 逐項是攏輸人
puē-kíng bô-kàu kiông thian-tsâi bô-kàu lāng ta̍k-hāng sī lóng su-lâng
只好看破這虛華 毋驚路歹行 毋驚大雨淋
tsí-hó khuànn-phuà tse hi-hua m̄-kiann lōo pháinn-kiânn m̄-kiann tuā-hōo lâm
心上一字敢 面對我的夢 甘願來做憨人
sim-siōng tsi̍t jī kánn bīn-tuì guá ê bāng kam-guān lâi tsuè gōng-lâng
ps.阿信原唱是唱「làng-phāng」，我掠伊个原意應當是「軁縫(nǹg-phāng)」則著！
春天的花蕊
許景淳、李之勤、萬芳、辛曉琪、曹蘭、潘儀君、李度〈春天的花蕊〉，作詞：路寒袖，1995年。
雖然春天定定會落雨
sui-jiân tshun-thinn tiānn-tiānn ē lo̍h hōo
毋過有你共阮來照顧
m̄-koh ū lí kā gún lâi tsiàu-kòo
無論天偌烏雨會落偌粗
bô-lūn thinn guā-oo hōo ē lo̍h guā-tshoo
總等有天星來照路
tsóng-tán ū thinn-tshinn lâi tsiò-lōo
你是春天上媠的花蕊
lí sī tshun-thinn siōng-suí ê hue-luí
為你我毋驚淋甲澹糊糊
uī-lí guá m̄-kiann lâm-kah tâm-kôo-kôo
你是天頂上光彼粒星
lí sī thinn-tíng siōng-kng hit lia̍p tshinn
陪你我毋驚遙遠佮艱苦
puê lí guá m̄-kiann iâu-uán kah kan-khóo
春天的春天的花蕊規山墘
tshun-thinn ê tshun-thinn ê hue-luí kui suann-kînn
有你才有好芳味
ū lí tsiah ū hó phang-bī
暗暝的暗暝的天星滿天邊
àm-mî ê àm-mî ê thinn-tshinn muá thinn-pinn
無你毋知佗位去
bô lí m̄-tsai tó-uī khì
最後的徛家
馬偕〈最後的徛家〉
我全心所疼惜的臺灣啊
guá tsuân-sim sóo thiànn-sioh ê Tâi-uân--ah
我的青春攏總獻予你
guá ê tshing-tshun lóng-tsóng hiàn hōo lí
我全心所疼惜的臺灣啊
guá tsuân-sim sóo thiànn-sioh ê Tâi-uân--ah
我一生的歡喜攏佇遮
guá it-sing ê huann-hí lóng tī tsia
我佇雲霧中看見山嶺
guá tī hûn-bū tiong khuànn-kìnn suann-niá
對雲中空縫觀望全地
tuì hûn tiong khang-phāng kuan-bōng tsuân-tē
波瀾大海遙遠的對岸
pho-lân tuā-hái iâu-uán ê tuì-huānn
我意愛佇遮眺望無煞
guá ì-ài tī tsia thiàu-bōng bô suah
我心袂通割離的臺灣啊
guá sim buē-thang kuah-lī ê Tâi-uân--ah
我的人生攏總獻予你
guá ê jîn-sing lóng-tsóng hiàn hōo lí
我心袂通割離的臺灣啊
guá sim buē-thang kuah-lī ê Tâi-uân--ah
我一生的快樂攏佇遮
guá it-sing ê khuài-lo̍k lóng tī tsia
向望我人生的煞尾站
ǹg-bāng guá jîn-sing ê suah-bé tsām
佇大湧拍岸的響聲中
tī tuā-íng phah huānn ê hiáng-siann tiong
佇竹林搖動的蔭影內
tī tik-nâ iâu-tōng ê ìm-ńg lāi
揣著一生最後的徛家
tshē tio̍h it-sing tsuè-āu ê khiā-ke
即首馬偕个詩歌，原本是英文版--个，
路尾即陣逐个咧唱个臺語版，應當是戰後另外有人來翻譯--个。
第1篇：http://albertjenyihchu.blogspot.com/2013/05/1-st.html
第2篇：http://albertjenyihchu.blogspot.com/2013/05/20135-2-st.html
第3篇，http://albertjenyihchu.blogspot.com/2013/06/3-st.html
第4篇：http://albertjenyihchu.blogspot.com/2013/07/4.html
訂閱：
文章 (Atom)