江蕙〈落雨聲〉，作詞：方文山，1999年。
落雨聲若親像一條歌
lo̍h-hōo-siann ná tshin-tshiūnn tsi̍t tiâu kua
啥人知影阮越頭毋敢聽
siânn tsai-iánn gún ua̍t-thâu m̄-kánn thiann
異鄉的我一个人起畏寒
ī-hiong ê guá tsi̍t ê lâng khí uì-kuânn
寂寞的雨聲捶阮心肝
siok-bo̍k ê hōo-siann tuî gún sim-kuann
人孤單像斷翅的鳥隻
lâng koo-tuann tshiūnn tn̄g-si̍t ê tsiáu-tsiah
飛袂行敢講是阮的命
pue buē kiânn kám kóng sī gún ê miā
故鄉的山永遠攏徛佇遐
kòo-hiong ê suann íng-uán lóng khiā tī hia
阮的心情只有講予山來聽
gún ê sim-tsiânn tsí ū kóng hōo suann lâi thiann
來到故鄉的海岸
lâi kàu kòo-hiong ê hái huānn
景色猶原攏總無變化
kíng-sik iu-guân lóng-tsóng bô piàn-huà
當初離開是為啥
tong-tshoo lī-khui sī uī siánn
你若問阮阮心肝就疼
lí nā mn̄g gún gún sim-kuann tio̍h thiànn
你若欲有孝序大毋免等好額
lí nā beh iú-hàu sī-tuā m̄-bián tán hó-gia̍h
世間有阿母惜的囡仔上好命
sè-kan ū a-bú sioh ê gín-á siōng hó-miā
毋通等成功欲來接阿母蹛
m̄-thang tán sîng-kong beh lâi tsiap a-bú tuà
阿母仔已經無佇遐
a-bú--á í-king bô tī hia
出社會走傱咧佮人拚輸贏
tshut siā-huē tsáu-tsông teh kah lâng piànn su-iânn
為著啥家己毋知影
uī tio̍h siánn ka-kī m̄ tsai-iánn
ps.這首歌的「佇(tī)」字，江蕙實際唱清音濁化後的「lī」。